Naarwa hai sukhan shikayat ka

Naarwa hai sukhan shikayat ka

Wo nahin tha meri tabiyat ka

Dasht mein shaher ho gye aabad

Ab zamana nahin hai wahshat ka

Waqt hai aur koi kaam nahin

Bas maza le raha hun fursat ka

Mar gye khwab sabki aankhon ke

Har taraf hai gila haqeeqat ka

Ab mujhe dhyan hi nahi aata

Apne hone ka apni haalat ka

Tujhko paakar zyaan huwa humko

Tu nahin tha humari qeemat ka

Subah se shaam tak meri duniya

Ek manzar hai uski rukhsat ka

Kya bataon ki zindagi kya thi

Khwab tha jaagne ki haalat ka

Kahte hain inteha e ishq jise

Ik faqat khel hai murawwat ka

Zindagi ki ghazal tamaam hui

Qaafiya rah gaya MOHABBAT ka

Jon Elia