Kis darja haseen tha mere mahaol ka gham bhi

Kis darja haseen tha mere mahaol ka gham bhi

Main bhool gya aapke andaz e sitam bhi

Uljhe huye lamhat ke taareek e safar mein

Aaye hain bahot yaad teri zulf ke kham bhi

Ik lamha to dam lene de aaghosh e sukoon mein

Aie gardish e halat kisi mod pe tham bhi

Palkon pe sajaye huye zakhmon ke nageene

Guzrenge kisi roz tere shaher se hum bhi

Manzar to zara dekhiye ruswai e fan ka

Bikne lage bazar mein arbaab qalam bhi

Posted by : Raees Khan